RIBADUMIA> Concello e Deputación colaborarán na recuperación dos xacementos arqueolóxicos do Monte do Castro.
{flowplayer}images/salnes/monte_do_castro.flv{/flowplayer}
RIBADUMIA> Os xacementos do Monte do Castro datan dos séculos cuarto ou quinto, na Idade de Ferro. Logo da sinatura do convenio entre Concello e Deputación, recuperarase esta importante parte do patrimonio cultural.
Farase dentro do Proxecto Pousadas, con co- financiamento FEDER, e nuns seis meses o Castro verá a luz. Primeiro hai que limpar, talar piñeiros, sondear e documentar o xacemento, para, na derradeira fase, realizar a escavación e musealización do mesmo.
A alcaldesa de Ribadumia, Salomé Peña, resalta o valor turístico e histórico do Castro. Amais, na zona construirase unha pousada e rutas de sendeirismo. Para o Concello de Ribadumia, é prioritario recuperar espazos naturais e convertelos en lugares de lecer.
A Deputación investirá o corenta e cinco por cento dun presuposto máis ambicioso que contempla outra actuación na Lanzada.
Redacción Salnés
