VILAGARCÍA> Tomás Fole asegurou no programa Pleno Aberto que nesa data o partido sairá reforzado sexa cal sexa o proxecto. O actual presidente do PP vilagarcián mostrouse moi satisfeito co traballo realizado estes sete anos.
{flowplayer}images/salnes/FOLE_PLENO_ABERTO.flv{/flowplayer}
A menos dun mes para o congreso local do PP de Vilagarcía, Tomás Fole fai un balance moi positivo dos sete anos que ó fronte do Partido. Séntese moi satisfeito pola evolución dos resultados electorais na capital do Salnés, conseguindo aumentar o número de concelleiros en Ravella. Do mesmo xeito, asegura que creceu o apoio dos afiliados e simpatizantes ó seu proxecto.
En canto á celebración do Congreso, o actual presidente popular afirma que el non o convocou por retar a outras candidaturas, senón porque os estatutos do partido recollían que no 2009 debían producirse eleccións internas. Explica que por motivos de axenda e coa celebración doutros congresos, a dirección provincial escolleu o 2010 como o momento clave para poñerse a disposición dos afiliados.
O candidato á presidencia popular vilagarciá afirmou que non é certo que o seu equipo non teña o apoio dos simpatizantes e afiliados, e engade que o que asegure iso non coñece o seu traballo.
Fole contestou a eses rumores que falan de ruptura no seo dos populares, asegurando que o partido está moi cohesionado e que o 12 de xuño o PP vai saír reforzado.
Asegura que non se sente vítima desas informacións que falan de apoios do PP provincial a Javier Puertas.
Tomás Fole afirma que presenta un proxecto dirixido a conseguir a alcaldía no 2011 e engade que se gaña o congreso, tenderá a man a Puertas para loitar por un obxectivo común.
En canto a IVIL, Fole non descarta a súa inclusión na estrutura do novo PP que sairá o 12 de xuño.
Redacción Salnés