RIBADUMIA> Unha veciña de Ribadumia denuncia que dous postes situados en metade da estrada da rúa Carrasqueira xa provocaron 7 accidentes. Os dous paus da luz quedaron nesa zona despois de que as administración obrigaran a unha vivenda a recuar o seu muro. A veciña advirte que a situación é máis perigosa pola noite debido á escasa visibilidade.
Hai sete anos, a esta vivenda da Rúa Carrasqueira obrigáronlle a recuar o muro da súa vivenda. Unha obra levada a cabo que deixou dous poste da luz abandonados, agora en metade da estrada. Unha veciña da zona denuncia a perigosidade deses paus.
De feito, segundo advirte, os postes xa provocaron ata 7 accidentes, o máis importante contra este muro.
A veciña foi unha das que chocou co seu coche esquivando a outro vehículo que circulaba pola estrada. Tamén denuncia que a perigosidade é aínda maior pola noite.
A veciña non entende como non hai nin unha sinal de advertencia na zona.
Segundo explica, concello e Fenosa pásanse a pelota culpándose os uns aos outros, pero ningún fai nada.
A veciña xa interpuxo unha denuncia contra o responsable dos postes polo accidente sufrido. Tamén advirte que continuará mobilizándose ata que non retire ou movan os paus da luz da súa actual localización.
