SALNÉS> Sanxenxo volve a liderar o ránking nacional de Bandeiras Azuis. A Asociación de Educación Ambiental e do Consumidor, ADEAC, …
{flowplayer}images/salnes/bandeiras_azuis_2010.flv{/flowplayer}
SALNÉS> Sanxenxo volve a liderar o ránking nacional de Bandeiras Azuis. A Asociación de Educación Ambiental e do Consumidor, ADEAC, deu a coñecer hoxe o listado destes recoñecementos.
Sanxenxo renova os 13 distintivos obtidos o ano pasado para 14 das súas praias. Ademais, o Porto Deportivo Juan Carlos primeiro recupera nesta campaña a Bandeira Azul conseguida xa en 2006 e 2007. Este verán ondearán en España un total de 605 bandeiras azuis, 493 en praias e 78 en portos deportivos.
Por comunidades autónomas, Galicia lidera a lista, con 132 distintivos, 122 de areais e dez de portos, entre os que se atopan, amais do de Sanxenxo, o de Pedras Negras no Grove e as instalacións náutico recreativas de Vilanova.
No Salnés, ás 13 de Sanxenxo hai que sumar 6 do Grove e dúas na Illa de Arousa, mentres que no Barbanza, encabeza a lista Ribeira, con 6, seguida de Boiro con 5. A Pobra conseguiu 3 e Rianxo dúas. Na ría de Muros, Porto do Son recibe dous distintivos, ó igual que Poio, na ría de Pontevedra.
Redacción Salnés
