En prisión un dos detidos no caso da dinamita

    CAMBADOS> O xuíz Juan Carlos Carballal continúa tomando declaración en Cambados ós detidos da ‘Operación Abuelo’, que investiga a pesca de sardiña con explosivos.

    CAMBADOS> O xuíz Juan Carlos Carballal continúa tomando declaración en Cambados ós detidos da ‘Operación Abuelo’, que investiga a pesca de sardiña con explosivos. Onte á tarde enviou á prisión da Lama a Jesús Sobral Andreu, armador do Andreu terceiro, de Cesantes.

    O xuíz instrutor do caso ditou auto de prisión provisional comunicada e sen fianza para este armador, que está acusado de tenencia e depósito de explosivos, ademais de atentar contra o medio ambiente. Onte á tarde pasaron a declarar nos Xulgados de Cambados outros dous detidos, o armador e o patrón do Nuevo Herminia terceiro, que quedaron en liberdade con cargos e terán que presentarse nas dependencias xudiciais cada 15 días. Ademais prohibíuselles saír de España.

    Desde esta mañá está a pasar a disposición xudicial o resto dos detidos, o patrón maior de Vigo José Antonio Tizón, o seu fillo e tres mariñeiros de Portonovo. A operación continúa aberta e, segundo indicou o delegado do goberno en Galicia, Antón Louro, as investigacións esténdense agora a toda a comunidade para descubrir quen subministra os explosivos. Ata o de agora, xa se incautaron un total de 27 quilos de dinamita, 100 metros de mecha, e 400 denotadores.

    Redacción Salnés