O Salnés terá o primeiro centro da rede galega de bicis de montaña

    SANTIAGO> Turismo porá en marcha no Salnés o primeiro centro BTT (bicicleta de montaña) da rede galega, co obxectivo de desenvolver o cicloturismo …

    SANTIAGO> Turismo porá en marcha no Salnés o primeiro centro BTT (bicicleta de montaña) da rede galega, co obxectivo de desenvolver o cicloturismo na Comunidade galega.

    A directora-xerente de Turgalicia, Carmen Pita, e os alcaldes dos concellos de Meis, José Luis Pérez Estévez; Ribadumia, Salomé Peña; e Cambados, Luis Aragunde, asinaron hoxe en Santiago de Composela un convenio de colaboración.

    O punto BTT será un centro de recepción e información onde se ofrecen servizos como o de alugueiro de material, taller de reparacións, limpeza e outros, así como información específica das rutas turísticas da zona na que está implantado. Forman tamén parte do centro BTT un conxunto de rutas convenientemente sinalizadas e trazadas polo contorno do centro. Estas rutas tamén están clasificadas pola súa lonxitude e dificultade.

    Segundo acordo asinado hoxe cos alcaldes do Salnés, o centro BTT desta comarca instalarase no campo de golf de Meis. Os concellos habilitarán o Campo de golf de Meis como sede do Centro BTT O Salnés, como punto de acollida. Ademais, porán a disposición do centro os medios humanos e materiais precisos para o seu axeitado asentamento. Tamén se comprometeron a comezar a explotación do Centro BTT O Salnés ao longo do segundo semestre do ano 2010. Ademais, os concellos colaborarán con Turgalicia na execución do proxecto de sinalización de rutas que comporán o Centro BTT O Salnés, así como do seu axeitado mantemento e conservación, tanto das rutas como da sinalización.

    Pola súa parte, Turgalicia integrará dentro da Rede centros BTT de Galicia o punto do Salnés e levará a cabo as actuacións de formación precisas para a posta en marcha e posterior funcionamento do centro do Salnés. A sociedade pública para a promoción turística de Galicia facilitará e promoverá a consecución, por parte do Centro BTT O Salnés, das diferentes certificacións de calidade a través das políticas desenvolvidas por esta, e supervisará e controlará a posta en marcha do centro. Ademais, Turgalicia dotará ao Centro BTT O Salnés dunha imaxe de marca propia da rede galega e difundirá e promoverá cos seus medios este servizo.

    Redacción Salnés