VILAGARCÍA> Propostas que melloren a accesibilidade e a mobilidade é o contido do plan urban de Arousa 21, que se presentou esta mañá no concello.
{flowplayer}images/salnes/PLAN_MOBILIDADE_VILAGARCIA.flv{/flowplayer}
Un dos obxectivos máis importantes e que concentra gran parte do esforzo das actuacións, é a redución do uso do automóbil polo casco urbano. Dende o concello, considérase que a presenza de coches é excesiva, por iso o novo plan busca priorizar ó peón no uso da vía pública.
Este é só un dos 14 puntos que se recollen no proxecto. Outro dos fins das medidas é redistribuír as zonas de aparcadoiros. Segundo o plan, quedarían dous círculos: un gratuíto e destinado ós visitantes, ás aforas da cidade; e outro máis inmediato no que se priorizaría ós residentes. A mellora do transporte público tamén é outro dos obxectivos.
O plan presentouse hoxe ó resto da corporación, pero dende o goberno xa resaltan a súa importancia.
Ademais de mellorar a calidade de vida dos cidadáns, as medidas tamén conseguirían unha mellora medioambiental, xa que, segundo estimacións do estudo, aforraríanse 7 toneladas de CO2 cada día.
Redacción Salnés