NOIA> En colaboración con profesores do IES de San Alberto artellan iniciativas a prol do medio ambiente enmarcada no Programa Europeo Comenius.
O IES San Alberto de Noia é pioneiro na comarca na posta en marcha de iniciativas ó abeiro do Programa Europeo Comenius que busca reforzar a dimensión europea no eido da educación promovendo a movilidade e cooperación entre centros educativos.
{flowplayer}barbanza/programacomenius.flv{/flowplayer}
Desta volta, mestres e alumnos deste instituto noiés traballan en colaboración con outros catro centros de Polonia, Alemania, Eslovaquia e Italia no proxecto “Faino polo Futuro” que ten como obxectivo difundir iniciativas e prácticas óptimas en materia medioambiental.
Intercambio de información
Nos vindeiros meses serán os alumnos e mestres noieses os que visiten os respectivos países que participan no proxecto para coñecer de preto as súas prácticas medioambientais.
O obxectivo final do programa é cambiar os hábitos diarios en cuestións relacionadas co medioambiente. Ademáis de fomentar á reciclaxe, o aforro de enerxía e a redución da contaminación, algo xa relativamente extendido entre a comunidade educativa, tentarse poñer en marcha iniciativas máis novidosas, como que os alumnos cheguen ó centro en bicicleta.
Ó cabo, coidar o medio ambiente e coidarnos a nós mesmos.
Redacción Barbanza
