VILAGARCÍA> Ademais, haberá actividades para os máis cativos e o sábado haberá un magosto a partir das oito da tarde.
{flowplayer}images/salnes/MERCADO_NADAL.flv{/flowplayer}
Un total de quince comercios vilagarciáns participarán esta fin de semana no mercado de Nadal que organiza por primeira vez o concello de Vilagarcía. Entre os produtos que se van poder atopar están os típicos da época como figuras para o belén, árbores ou doces. Tal e coma explicaba a edil de promoción económica unha iniciativa que nace co obxectivo de prolongalo no tempo.
Ó redor deste mercado de nadal haberá ademais actividades para os máis cativos. Nesta edición, ademais de Zona Aberta tamén colaborarán asociacións sen ánimo de lucro coma AFASAL, Cáritas e Centro LAR. Paralelamente celebrarase no mesmo espazo un magosto a partir das oito da tarde.
Segundo a presidenta de Zona Aberta este mercadillo é, sen dúbida, unha oportunidade para destacar o comercio da localidade con motivo do comezo do Nadal.
O horario de apertura ó público será de once da mañá a doce da noite o sábado e o domingo desde as doce ata as dúas do mediodía e de cinco a dez da noite.
Redacción Salnés
