{flowplayer}images/salnes/IVILVilagarcia.flv{/flowplayer}
A acta de concelleiro que deixou baleira o ex edil de urbanismo será ocupada por Álvaro Carou pero a falta de coñecer os resultados da reunión que o grupo socialista levou a cabo esta tarde, todavía non se coñece quen asumirá as súas competencias. As que se refiren ó ámbito de Xestión do Territorio, Urbanismo e Medio Ambiente.
Para o voceiro de IVIL, a incapacidade dos socialista de chegar a un acordo para o reparto destas competencias non é máis que unha mostra de que o grupo se descompón.
Á primeira reunión que celebraban os socialistas para resolver este tema, que tivo lugar o martes, a alcaldesa chegaba cunha proposta clara. Facerse ela cargo do ámbito de Xestión do Territorio e Urbanismo e deixar en mans de Álvaro Carou Medio Ambiente.
A única que apoiou tal iniciativa foi Victoria Hierro, os outros 4 concelleiros rexeitaron a proposta da alcaldesa polo que esta tarde tiveron que volver a reunirse para tratar de chegar a un acordo.
Rivera Mayo considera que as friccións no grupo socialista son evidentes e fala de grave crise.
Rivera Mayo aproveitou tamén para mostrar a preocupación de IVIL pola difícil situación económica do concello e para denunciar que a liquidación dos presupostos do 2009 se aprovara fai escasos días cando debía terse aprobado antes do 1 de marzo.
Redacción Salnés