RIBEIRA> Pretenden evitar así o desmantelamento desta importante flota pesqueira ante a decisión da Comisión Europea de Pesca de reducir nun 93% a cota de capturas da bacaladilla.
{flowplayer}barbanza/recurtecapturasbacaladilla.flv{/flowplayer}
O recurte da cota da bacaladilla aprobado agora en Bruxelas, sumado á reducción de capturas noutras especies ou a suba frecuente do prezo do combustible presentan un futuro incerto para a flota do arrastre de Ribeira.
Declaración Institucional
En sinal de apoio a este importante sector, que move miles de empregos directos e indirectos, a corporación ribeiresa emitiu esta mañá unha declaración institucional na que lle solicita ó Ministerio de Medio Ambiente, Medio Rural e Mariño unha excepción aplicable ás zonas do Cantábrico e Noroeste, e se renegocie unha nova cota de capturas que se adpate á capacidade extractiva da flota ribeiresa e galega e á situación real do stock existente no Cantábrico e Noroeste. Por outra banda tamén se lle insta ó oberno central a que impulse un estudo científico actualizado sobre a situación dos recursos pesqueiros nesta zona e poder establecer así unha mellor distribución das cotas.
Importante sector
Dende a Asociación de Arrastreiros de Ribeira incidiuse na importancia desta flota, que con esta decisión se verá gravemente afectada, condenando non só ós mariñeiros senón tamén a transportistas, estibadores, almacenistas e proveedores e comerciantes.
Redacción Barbanza