SALNÉS> Un dos supostos autores da malleira quedou en liberdade con cargos logo de comparecer nos xulgados de Caldas de Reis.
Trátase do mozo de 26 anos veciño de Caldas, Avelino Vázquez. Axentes da Garda Civil trasladábano onte pola mañá ata o Xulgado de Primeira Instancia caldense onde prestou declaración. Acusábaselle, xunto ó seu irmá Venancio Vázquez, de dous delitos: un de lesións graves, por ter golpeado, supostamente, a unha muller de Barro na tarde do xoves; e outro de atentado contra axentes da autoridade, polas presuntas labazadas propinadas a axentes do Servizo de Protección da Natureza (SEPRONA) cando tentaban retelos. Logo de comparecer ante as autoridades, Avelino Vázquez quedaría en liberdade con cargos.
O seu irmá, de 32 anos e con residencia en Asturias, foi ingresado no módulo de seguridade do Hospital Provincial de Pontevedra polos danos sufridos durante o altercado, en constante vixilancia por atoparse de permiso carcerario cando tiveron lugar os feitos.
A muller de 69 anos á que supostamente os mozos lle propinaron unha malleira continúa ingresada na Unidade de Coidados Intensivos do Hospital Xeral Cíes de Vigo, e a pesar da gravidade, o seu estado de saúde vai mellorando.
Redacción Salnés
