No Salnés ven con receo o límite de velocidade a 110 Km/h

    limite120copy.jpgSALNÉS> Pola súa banda, o Delegado do Goberno en Galicia, Antón Louro, sinalou que se trata dunha medida de aforro transitoria.

    {flowplayer}images/salnes/LIMITACION_VELOCIDADE.flv{/flowplayer}

    O próximo luns entrará en vigor esta medida en tódalas autopistas e autovías do país. A velocidade pasará de ser dos habituais 120 quilómetros por hora a 110.

     O obxectivo é conseguir un aforro dun 15% no consumo de gasolina e dun 11 no de diésel. O Delegado do Goberno en Galicia, Antón Louro, sinalou esta mañá, que se trata dunha medida transitoria.

    E é que o certo é que na rúa, hai opinións contrapostas. Esta medida suporá o cambio nas sinais de tráfico e no sistema de multas. Por iso, a pesares de que a moitos lles parece unha boa alternativa para aforrar, outros consideran que só o fan para recadar fondos.

    Aínda que a nova medida será comunicada por paneis luminosos e colocarán pegatinas sobre as sinais xa existentes, a maioría coincide en que será difícil adaptarse ó novo límite de velocidade.

    Esta medida estará en vigor por un tempo aínda por determinar.

    Redacción Salnés