RIBEIRA> Dominga Brión, a candidata nacionalista de Ribeira, anunciou a súa dimisión como concelleira e portavoz do grupo municipal.
{flowplayer}barbanza/renunciadomingabrion.flv{/flowplayer}
A perda de dous escanos levou a Dominga Brión a tomar esta decisión de carácter estritamente persoal. Tras catorce anos en política activa, oito deles como edil e portavoz do BNG, desaparece da primeira liña da vida municipal a que foi, nas últimas lexislaturas, o azote do goberno de Torres Colomer.
Nova etapa
Vaise satisfeita, cunha ampla traxectoria de servizo ós cidadáns e co convencemento de que debe abrirse un novo ciclo para o partido.
A pesar da perda de votos, Dominga Brión quixo agradecer o apoio dos cidadáns que seguiron a apostar polo proxecto nacionalista manténdoo como segunda forza política.
Agora, o obxectivo do novo grupo municipal é recuperar os apoios perdidos. Será tarefa de Xosé Luís Groveiro, quen asume a portavocía do grupo, Ánxeles González Cruxeiras e Luís Teira, edís xa durante a anterior lexislatura e Carmen Lampón, que se estrea como concelleira.
Redacción Barbanza
