BOIRO> Como cada ano, o inicio das festas de Boiro leva aparellado o caos circulatorio derivado dos cortes de tráfico na avenida da Constitución.
{flowplayer}barbanza/problemastraficoboiro.flv{/flowplayer}
Nesta ocasión, o novo executivo optou por pechar soamente un carril para minimizar as consecuencias sobre a fluidez da circulación. As barracas e atraccións festivas ocuparán un treito do carril dereito en dirección a Rianxo, comprendido entre a rotonda de Abanqueiro e A Cachada.
Os problemas no tráfico desafían a paciencia dos condutores, especialmente ós que viven nas inmediacións da avenida e vense obrigados a dar unha volta considerable para acceder ós seus garaxes.
Molestias razoables
Dende a comisión de festas queren pedir desculpas a todos aqueles veciños que se poidan ver afectados polas molestias derivadas da instalación das festas pero apelan á comprensión lembrando que a situación prolongarase tan só uns días.
Son moitos os que comparten esta opinión e prefiren afrontar con resignación os trastornos derivados desta semana festiva, na que Boiro convértese nun fervedoiro de xente e coches.
Dende o concello lembran que as vías secundarias como Avellaneda quedarán despexadas para evitar os embotellamentos que se rexistraron o pasado ano.
Redacción Barbanza
