BARBANZA> O temporal de chuvia e vento que varreu Galicia deixou numerosas incidencias nas Rías Baixas aínda que todas de menor importancia.
{flowplayer}barbanza/temporalbarbanzaoutubro.flv{/flowplayer}
Refachos de vento de máis de 120 quilómetros por hora e precipitacións que chegaron a acumular máis de cincuenta litros por metro cadrado. Este é o resumo da profunda borrasca que bateu a comunidade que se ben deixou tras de si todo un regueiro de incidencias non hai que destacar ningunha de gravidade.
Asolagamentos
As inundacións foron a tónica dominante. Na zona de San Lázaro, en Noia, a intervención dos equipos de Protección Civil, evitou o asolagamento de varios baixos comerciais que levan anos padecendo inundacións por mor das obstrucións na rede de tubaxes.
No resto da comarca, rexistráronse as incidencias típicas deste tempo con árbores caídas, contedores arrastrados polo vento, desbordamento de sumidoiros e desprendementos de terra.
Flota amarrada
Foron moi poucas as embarcacións que saíron a faenar e ós que o fixeron quedáronse preto da costa nas zonas máis resgardadas do interior da ría. De cara a mañá a situación mellora e nas Rías Baixas tan só se rexistrarán precipitacións de menor intensidade na primeira metade do día.
Redacción Barbanza
