RIBEIRA> O suceso, que se producía esta madrugada nun edificio do centro da cidade, puido vir provocado polo deficiente funcionamento do quentador.
{flowplayer}barbanza/escapegasribeira.flv{/flowplayer}
O suceso producíase ó redor das dúas e cuarto desta pasada madrugada no edificio número 4 da rúa Mariño de Ribera, en pleno casco urbano de Ribeira. O 112 recibiu unha chamada de emerxencia mobilizando ó Grumir, urxencias sanitarias e bombeiros.
Fallo quentador
O escape de gas puido vir provocado por un mal funcionamento do quentador da vivenda.
O feito de que o escape de gas se producira de madrugada evitou que se causase unha maior alarma entre os veciños do edificio, xa que a maioría deles durmían nese momento e non se percataron do acontecido.
Controis periódicos
Os equipos de emerxencias informaron ademais as pautas a seguir nun caso deste tipo, e a importancia de realizar controis periódicos da instalación.
Redacción Barbanza
