RIBEIRA> Os percebeiros de Aguiño comezaron a pasada semana a traballar na zona sur das súas concesións, no contorno das Illas Atlánticas.
{flowplayer}barbanza/percebeirosillasatlanticas.flv{/flowplayer}
Cada ano, a apertura da zona sur entre Sálvora, Sagres e Vionta garante ós percebeiros de Aguiño marisco de excelente calidade. Comezaron a traballar nesta concesión a pasada semana e, a pesar de que non é difícil acadar os topes, detectaron unha menor presenza de percebe que en anos anteriores.
Moita cría
Dende a confraría non se amosan preocupados posto que xa observaron moita cría o que augura unha boa campaña cara ó próximo ano. Neste, seguirán a traballar na contorna das Illas Atlánticas ata febreiro cando volven pechar ata a reapertura en novembro.
Na actualidade, os percebeiros tan só saen unha media de dous días á semana para garantir a abundancia dos recursos de cara á campaña de Nadal.
Redacción Barbanza
