RIANXO> Novo enfrontamento esta pasada fin de semana entre furtivos e vixilantes. Esta vez en Rianxo. Tres mariscadores ilegais enfrontáronse ós gardapescas do pósito cando estes lles intentaron retirar o marisco. Foi necesaria a intervención da Policía Local.
Segundo explicou o o propio patrón maior rianxeiro nas últimas semanas estase a notar un novo repunte no furtivismo nas súas concesións. A situación vese agora ademais agravada pola violencia que estes exercen contra os vixilantes do pósito como acontecía esta pasada fin de semana.
As medidas que se toman dende a Administración son insuficientes…
Non lonxe de alí, en Cabo de Cruz, a actividade dos furtivos tamén e alta. Os vixilantes día si e día tamén intentan por tódolos medios poñerlle coto, logrando recuperar no último mes uns cincocentos quilos de marisco recollido de xeito ilegal dos seus areais.
