BOIRO> O suceso tiña lugar a primeira hora desta mañá e nel resultou ferido grave un veciño de Loimar de 83 anos que responde ás iniciais R.T.S.
{flowplayer}barbanza/atropeloamanecida.flv{/flowplayer}
O atropelo producíase ó redor das oito desta mañá na estrada entre Boiro e Noia, á altura da Amanecida. Segundo manifestaron as propias testemuñas do accidente, unha furgoneta que circulaba en dirección a Boiro golpeou ó home, R.T.S. de 83 anos, que nese momento cruzaba a estrada. A consecuencia da colisión, o ancián caeu ó chan, sufrindo diversas feridas de consideración.
Causas accidente
A escasa visibilidade na zona a esa hora da mañá e o despiste do propio peón que decidiu cruzar a vía por un lugar pouco apropiado son as causas máis que probables do accidente.
Servizos de emerxencias
Ata o lugar desprazáronse efectivos do GRUMIR de Boiro, un equipo de atestados da Garda Civil de Tráfico e unha ambulancia, que despois dunha primeira atención no lugar, encargouse de trasladar ó ferido ata un centro hospitalario. Dáse a circunstancia de que a escasos metros de onde se produciu o atropelo existe un paso de peóns.
Redacción Barbanza
