BARBANZA> Como cada ano, o 22 de decembro é a data da ilusión na que a lotería de Nadal repartirá os seus premios millonarios por toda España.
{flowplayer}barbanza/descensovendasloteria.flv{/flowplayer}
Na véspera do sorteo, as administracións de lotería da comarca rexistraban un constante ir e vir de clientes que quixeron aproveitar esta última xornada para mercar un décimo.
A pesar do descenso xeneralizado das vendas, é difícil atopar a alguén alleo a este sorteo porque a tradición obriga a xogar, alomenos, un décimo.
Números favoritos
En canto ás preferencias, hai quen se decanta polos números que xoga todo o ano ou por aqueles que teñen un significado especial. Para outros pola contra o número é o de menos xa que todos teñen as mesmas posibilidades.
Haberá que agardar a mañá para saber se o gordo máis grande da historia ou algún outro premio, dos dous mil cincocentos millóns que se van sortear, se deixa caer pola nosa comarca.
Redacción Barbanza
