Tati Abalo abandona o BNG

    tatiabalo.jpg CALDAS> O edil nacionalista aínda non formalizou a renuncia, pero a súa intención sería darse de alta a continuación no Encontro Irmandiño.

    Continúan os efectos trala escisión do núcleo do BNG da corrente dos Irmandiños. O portavoz da formación nacionalista en Caldas de Reis, Xosé Manuel Abalo, máis coñecido como Tati Abalo, vai poñer a súa acta de concelleiro a disposición da formación nacionalista para darse de baixa no partido. Segundo confirmaron a Europa Press fontes próximas a Abalo, o edil aínda non presentou formalmente a baixa, pero en cato o faga, a súa intención é darse de alta no Encontro Irmandiño, a corrente liderada por Xosé Manuel Beiras.

    De non haber ningún militante do BNG que asuma a acta de concelleiro deixada por Abalo, este continuará na corporación caldense pero como membro non adscrito. En Caldas, a corrente liderada por Beiras ten destacado peso entre os militantes, polo que non se descarta que á renuncia de Abalo siga a doutros nacionalistas caldenses afíns ó Encontro Irmandiño.

    Redacción Salnés