CAMBADOS> 12 escolares de diferentes cursos de primaria estrearon o servizo que desde a comunidade educativa levaban anos demandando.
{flowplayer}images/salnes/ABRE_COMEDOR_MAGARINOS.flv{/flowplayer}
Ensaladilla e espaguetis con tomate. Este foi o menú co que se inaugurou o comedor escolar do CEIP Antonio Magariños, de Cambados. Un total de doce escolares de diferentes cursos de primaria inauguraron estas instalacións que empregarán ata finais de curso. A directora do centro, Rosa Fiel, manifestou a súa satisfacción xa que, explicou, a comunidade educativa levaba anos demandando o servizo.
Nesta ocasión 14 estudantes benefícianse do servizo, pero a directora do centro asegurou que para o vindeiro curso escolar a demanda vai ser superior.
Pola súa banda, os protagonistas do día, os doce comensais que estrearon o servizo de comedor, nos transmitiron as súas primeiras impresións. Mentres a maioría estaban contentos, sobre todo por poder comer cos seus amigos, outros non estaban moi conformes co menú do día.
Esta obra enmárcase dentro da primeira fase do proxecto de mellora das instalacións do centro que consistiron na construción dun módulo anexo ocupado pola biblioteca e a aula de inglés. Agora, desde o centro confían en que este ano se execute a segunda fase.
Redacción Salnés
