As obras do nó de Curro obrigan a habilitar novos desvíos na AG-4.1

    desviostrafico.jpg PONTEVEDRA> Realizaranse no tramo Curro-Sanxenxo, nos puntos quilométricos 0 e 1,2 entre o dous de maio e o 29 de xuño.

    Xa están colocados os sinais que avisan da modificación do tráfico que a partir de mañá se producirán no entorno do enlace de Curro, en Barro. As obras de construción do nó van obrigar a desviar provisionalmente o tráfico que circule pola autovía AG-4.1., a que une Curro e Sanxenxo, entre os puntos quilométricos 0 e 1,2.

    As variacións na circulación manterase ata finais do mes que vén, en concreto ata o 29 de xuño, data na que a Consellería de Medio Ambiente, Territorio e Infraestruturas calcula que estará concluída a fase dos traballos que obrigan a este desvío.

    O nó de Curro conta con dous enlaces, un a varios niveis que vai conectar a AP nove, a autovía do Salnés e as futuras autovías Pontevedra-Vilagarcía e Pontevedra- Vigo; e un segundo enlace de menores dimensións que mellorará a comunicación entre a estrada provincial Pontevedra-Vilagarcía e a parroquia de Curro.

    Redacción Salnés