BARBANZA> O BNG levará mocións ós plenos da comarca en contra da proposta de pechar as oficinas liquidadoras do rexistro da propiedade.
A proposta de redución das oficinas liquidadoras do Rexistro da Propiedade afectaría a máis de corenta delegacións, entre elas a de Noia que dá servizo a toda a comarca do Barbanza. Isto suporía un grave prexuízo para os cidadáns obrigados a desprazarse ata Santiago para realizar xestións habituais
Os nacionalistas acusan ó PP de suprimir servizos en lugar de achegalos ós cidadáns, actitude que contradi as políticas de dinamización demográfica pensadas para facilitar o asentamento poboacional nas zonas periféricas.
Outro exemplo, din, é a redución dos partidos xudiciais que pretende poñer en marcha o goberno que suporía un novo recorte de servizos para os cidadáns.
Redacción Barbanza