CAMBADOS> Nas Xornadas Técnicas coñecimos, entre outras cousas, as referencias máis antigas, coñecidas ata agora, da variedade albariña.
{flowplayer}images/salnes/XORNADAS_TECNICAS_030812.flv{/flowplayer}
Máis aló do aspecto lúdico e institucional da Festa do Albariño, o programa desta sesenta edición inclúe, como é habitual, unhas Xornadas Técnicas nas que os que se achegaron ata alí puideron afondar, nesta ocasión, en temas como o ‘Oxíxeno e o viño branco’ ou coñecer, na segunda das ponencias, os resultados do estudo sobre selección clonal do cultivar albariño feito pola Estación Experimental de Viticultura e Enoloxía de Ribadumia. O que se buscaba era buscar aqueles clons co mellor perfil produtivo, entre outros aspectos, co fin de optimizala variedade.
A terceira das ponencias verteu sobre as linaxes galegas da vide e en concreto da variedade albariño. Sobre esta puidemos coñecer que as primeiras referencias datan dun escrito do Padre Sarmiento do 1745 ou que a albariña presenta un compoñente que podería estar relacionado con outras variedades europeas.
Estes datos son froito do estudo feito pola Estación de Viticultura e Enoloxía de Galicia en colaboración coa Universidade de Santiago.
Redacción Salnés
