RIBEIRA> Un cento de alumnos do IES Leliadoura concentráronse ás portas do centro educativo para protestar pola falla de equipamento.
{flowplayer}barbanza/mobilizacionsiesleliadoura.flv{/flowplayer}
Portando pancartas e berrando consignas en contra dos recortes os alumnos do IES Leliadoura de Ribeira iniciaron unha xornada de mobilización que teñen previsto continuar durante toda a semana.
A protesta vén provocada polas carencias na dotación informática para impartir os ciclos formativos que a día de hoxe, varias semanas despois do inicio do curso, segue sen chegar, a pesar de que a propia dirección do centro xa a tiña solicitada dende o pasado mes de maio.
O Claustro do profesorado do IES Leliadoura, xa amosou o seu malestar por esta situación, acordando por unanimidade coma medida de protesta, iniciar estes paros antes da hora do recreo.
Redacción Barbanza