Merca na Rúa deixará en Meaño 2.450 € en premios

    MEAÑO> Mercar en Meaño nestas dúas semanas poden ter premio. Hai moitas posibilidades de que as compras…

    {flowplayer}images/salnes/merca_rua_dena.flv{/flowplayer}

    … realizadas nos establecementos asociados deste Concello poidan facerse cun dos 20 premios de cen euros ou dos tres de cento cincuenta cos que agasalla a campaña Merca na Rúa, unha iniciativa conxunta da Deputación de Pontevedra e da Xunta de Galicia, destinada a dinamizar o comercio de proximidade gracias ós fondos FEDER.

    Para entrar neste sorteo abonda con realizar as compras nos establecementos asociados e logo depositar o tiket cos datos nunha urna coma esta.

    A partir de aí hai que confiar na sorte porque hai moitos premios a repartir neste concello. Amais, con estas compras todos saen gañando en Meaño porque ó mercarlle ós veciños a riqueza queda no pobo.

    Conscientes de que a unión fai a forza, cada día son máis os comerciantes meañeses que se asocian a Corazón de Meaño, polas moitas ventaxas que aporta fronte a crise, nun dos poucos concellos do noso país no que os establecementos que abren son máis que os que pechan.

    Outros concellos que están adheridos a esta campaña son os de Bueu, O Rosal, Sanxenxo e a Illa de Arousa.

    Redacción Salnés