Montse Fajardo publica a súa ópera prima Matriarcas

    VILAGARCÍA> Matriarcas, Mulleres en pé de vida é o título do primeiro libro que ven de publicar Montse Fajardo.

    {flowplayer}images/salnes/libro_montse_fajardo.flv{/flowplayer}

    A xornalista e contertulia recolle nel as vivencias de dez mulleres que viviron os duros anos da Galicia de postguerra.

    Entre todas elas non existe vínculo algún salvo a coraxe de vivir e que eran cadansúa matriarca da súa familia. Os acontecementos históricos ceden o protagonismo ás emocións nestas páxinas vividas desde o recordo das protagonistas.

    E é que, malia o tempo transcorrido, á autora ve un certo paralelismo entre o tempo que viviron as súas matriarcas e o que estamos a malvivir arestora: a coraxe de supervivencia das mulleres galegas rexurde no seo das familias para afrontar estes tempos ás veces duros de máis, dentro e fóra da casa.

    O acto de presentación oficial do libro, aberto a tódolos públicos, terá lugar o vindeiro venres día 30, ás oito e media da tarde, no Auditorio de Vilagarcía, incluído dentro dos actos contra a violencia machista. A partires da semana que ven Matriarcas chegará ás mellores librerías da comarca.

    Redacción Salnés