RIANXO> A confraría de Rianxo segue a reclamar o local que actualmente ocupa o fogar da terceira idade.
{flowplayer}barbanza/patronmaiordesaloxoxubilados.flv{/flowplayer}
Dende o ano 2000, o fogar do xubilado de Rianxo vén ocupando este local que pertence á confraría de pescadores. Sen embargo é o pósito quen asume os gastos correntes así como os derivados dos seguros e impostos polo que hai sete meses informaron á directiva desta entidade de que tiñan que abandonar as instalacións.
Ampliación
Segundo o patrón maior, a devolución deste local non é un capricho senón unha necesidade para a confraría que precisa ampliar as instalacións de manipulación e venda.
Á espera de que o concello se pronuncie, os xubilados non están dispostos a abandonar o que veu sendo o seu lugar de reunión dende hai máis dunha década, salvo que a administración lles proporcione un local en boas condicións.
Redacción Barbanza
