{flowplayer}images/salnes/EDAR_GROVE_200113.flv{/flowplayer}
Despois dos traballos de saneamento, coa instalación de colectores e bombeos que achegarán as augas residuais desde a actual depuradora ata a nova, agora comezan as obras propiamente ditas das instalacións.
Desde o Concello alégranse de que a obra vaia para adiante, xa que o proxecto desta EDAR é unha vella demanda municipal e porque ademais houbo que superar moitas trabas para facerse cos terreos, que finalmente houbo que expropiar.
O conselleiro tamén falou do Plan de saneamento local da ría de Arousa e indicou que se están a ultimar os detalles nos que respecta ós concellos de Meaño, Sanxenxo e O Grove, e que este verán se poderían presentar os detalles do proxecto.
Segundo o conselleiro, a Xunta leva investido desde 2009 no saneamento das rías máis de 270 millóns de euros, e tendo en conta o cofinanciamento de concellos e Estado, a contía ascende a máis de 430 millóns.
Redacción Salnés