BARBANZA> Na xuntanza tomaron parte responsables de distintas entidades e técnicos do sector pesqueiro e marisqueiro da zona.
{flowplayer}barbanza/presidenteportosbalanceprogramasportuarioseuropeos.flv{/flowplayer}
Portos de Galicia ratificou en Rianxo o seu compromiso cos programas europeos sobre xestión ambiental portuaria e corroborou a rendibilidade destas iniciativas no desenvolvemento sostible das dársenas. Así o puxo de manifesto o presidente do ente público, José Juan Durán, que participou na reunión de balance dos programas internacionais SuPorts, 3R-Fish, NEA2 e Netmar, celebrada na confraría rianxeira. Durante a xuntanza, na que tomaron parte ó redor duns quince representantes de entidades e técnicos do sector pesqueiro e marisqueiro, o presidente de Portos remarcou a importancia de colaborar e participar activamente nestas iniciativas, que permiten combinar o mellor aproveitamento económico das instalacións portuarias e a súa sostibilidade dende o punto de vista ambiental. Así mesmo, lembrou que estes programas atenden tanto aos aspectos preventivos, como ao mantemento das instalacións e á capacidade de resposta dos xestores portuarios ante incidencias ambientais.
Durante o encontro, os técnicos de Portos de Galicia explicaron o papel que a consellería do Medio Rural e do Mar, a través do ente público, está a desenvolver en cada un destes programas.
Redacción Barbanza
