POBRA> Despois de facer a súa estrea oficial en Muxía hai uns meses coincidindo co 20 aniversario da catástrofe do ‘Prestige’, o PSdeG presentará este vindeiro venres na Pobra o documental ‘Prestige, 20 anos despois’ realizado polo propio gabinete de comunicación do partido. Será nun acto ás sete e media da tarde no Teatro Elma.
Trátase dun documental de aproximadamente 40 minutos de duración, estruturado en tres bloques: un describe a catástrofe e a forma en que se xestionou.
A continuación abórdase reacción social e a vaga de solidariedade que xerou e, por último, as leccións que a catástrofe nos deixou. Trala proxección, desenvolverase unha charla coloquio, na que intervirán varios dos protagonistas do vídeo, como é o caso do expatrón maior da Pobra Manuel Maneiro ou a bateeira e presidenta da asociación Mulleres Salgadas, Dolores Gómez, entre outros.
A intención do partido é presentar o documental noutras vilas da ría de Arousa. Unha vez rematadas estas presentacións publicarase na propia canle de youtube do PSdeG.
