VILAGARCÍA> Onte as lapas arrasaron cun edificio abandonado en plena rúa Rosalía de Castro, no centro de Vilagarcía. Máis de sete horas levou os bombeiros apagar por completo o incendio do inmoble, frecuentado habitualmente por okupas. Así as cousas, non houbo que lamentar danos persoais.
O incendio declarouse ao redor das sete e media da mañá neste edificio do número 77 da rúa Rosalía de Castro.
De feito, as tarefas de extinción prolongáronse máis de sete horas. Aínda que no entorno das dúas do mediodía os bombeiros deron o operativo por concluído, a media tarde tiveron que volver porque se avivaran algúns dos restos.
A estrutura de madeira da vivenda falicitou a propagación das lapas. Finalmente, o incendio do que se descoñece a orixe provocou o derrubamento do tellado e do interior da casa, da que só quedou en pé a fachada.
Aínda que o inmoble está deshabitado, é frecuente que okupas o empreguen para pasar a noite. Porén, non houbo que lamentar danos persoais.
As tarefas de extinción, nas que participaron os bombeiros de Vilagarcía e de Ribadumia, Protección Civil e patrullas da Policía Nacional e Local, afectaron o tráfico nesta rúa, que une o centro da vila con Carril. De feito, a circulación tivo que estar regulada polos axentes durante toda a mañá.
{flowplayer img=https://www.canalriasbaixas.com/images/ano2014/04abril/14/incendio_vilagarcia.jpg}https://www.canalriasbaixas.com/images/ano2014/04abril/14/incendio_vilagarcia.mp4{/flowplayer}
