Homenaxe ós remeiros de Cabo de Cruz

    BOIRO> O executivo local recibiu, esta pasada fin de semana, ó club de remo Cabo de Cruz.

    O alcalde da vila, Xoan Xosé Dieste, xunto co concelleiro de deportes, Nolo Romero, felicitaron persoalmente ós deportistas polos méritos acadados no Campionato de España de Bateis e agasallaron ós deportistas con novas mochilas para as súas equipacións. Por primeira vez na historia, os de Cabo de Cruz impuxéronse na categoría absoluta masculina tras vencer a Kaiku e Zierbena. Ademais, as embarcacións xuvenil feminino e cadete masculino lograron dous loables segundos postos. A continua suma de bandeiras e títulos segue afianzando ó club coma o mellor da comarca do Barbanza. Este ano regresan á liga ACT, a primeira división do remo, para loitar cos equipos máis potentes do noso país.