GALICIA> O boirense Olmo Blanco foi un dos quince finalistas do VI Premio Internacional Bienal ‘ARTEJOVE-N 2014’ promovido pola Fundación María José Jove. A artista madrileña Paloma Polo fíxose co primeiro premio deste certamen internacional ó que se presentaron preto de novecentas cincuenta obras procedentes de todo o mundo. O premio, que ten por obxectivo promocionar a novos talentos, está dotado con doce mil euros. A Fundación adquiriu, ademais da gañadora, outras cinco obras que pasarán a formar parte da súa colección. O fallo fíxose público esta mañá no acto de inauguración da exposición temporal integrada polos cinco traballos finalistas entre os que se atopa o do artista boirense, Olmo Blanco. Poderá visitarse na sede da fundación ata o cinco de xuño. O acto estivo presidido polo conselleiro de Cultura, Jesús Vázquez, e a presidenta da Fundación, María José Jove.
Inicio Cultura
