MUROS> A maioría delas estarán destinadas ós máis pequenos, como é o caso dos campamentos urbanos. O prazo de inscrición iniciarase o vindeiro 10 de xuño e rematará o 1 de xullo. Os pavillóns polideportivos de Muros e Esteiro acollerán este verán os campamentos urbanos que organiza o concello muradán. Serán varias quendas, distribuídos tamén en franxas de idades que van dende o 2003 ó 2005, os máis grandes, ó 2006 ó 2008, os máis pequenos. As prazas son limitadas e o prazo de inscrición iniciarase o vindeiro martes 10 de xuño, prolongándose ata o 1 de xullo. Dende o concello tamén se ofertarán diversas actividades deportivas moi ligadas ó mundo do mar, como é o caso dos cursos de vela. Para máis información ou inscricións os interesados poden dirixirse ó centro cultural e xuvenil de Muros ou na axencia de lectura de Esteiro, ou ben a través da propia páxina web municipal www.muros.es.
Inicio Barbanza - Muros - Noia
