RIBEIRA> A cita, a primeira desta modalidade de combate que se desenvolverá en Galicia, será o próximo sábado, 28 de xuño, no pavillón polideportivo da Fieiteira. Os afeccionados ó mundo do taekwondo terán unha cita importante o vindeiro sábado 28 de xuño, coa disputa dunha velada de taekwondo na modalidade T5. Será a primeira vez que poderá verse en Galicia un espectáculo destas características. Con anterioridade, a partir das sete da tarde, terá lugar o festival de clausura das escolas do Natural Sport, con diferentes tipos de exhibicións. A gala terá un carácter solidario, xa que todo o recadado irá destinado a Cáritas. Neste sentido dende a entidade agradeceron o xesto do club ribeirense, nun momento especialmente complicado, xa que actualmente a entidade da resposta a unhas 283 necesitadas. Na Fieiteira daranse cita máis de 200 deportistas, dende os máis pequenos do club, ata os equipos participantes na competición de T5, chegados dende diferentes puntos da comunidade e mesmo de Portugal. Un xesto que agradecen dende o Natural Sport e tamén dende o Concello xa que a totalidade participará no torneo de xeito totalmente desinteresado.
Inicio Deportes
