O PP asegura que os clubs deportivos están realizando un “esfuerzo titánico” para sobrevivir

PONTEVEDRA> O PP de Pontevedra compareceu esta mañá en rolda de prensa para denunciar a grave situación que están atravesando os clubs da cidade. O concelleiro Guille Juncal pediu ao goberno municipal que poña unha solución aos continuos retrasos rexistrados no pago das subvencións.

O PP de Pontevedra acusou esta mañá a Tino Fernández de realizar un exercicio de cinismo coas súas explicacións ante o retraso dos pagos das subvencións aos clubs deportivos. O concelleiro socialista asegurou onte en rolda de prensa que soamente quedaban por pagar as axudas correspondentes as tempadas 18-19 e 19-20. Algo que foi desmentido esta mañá polo concelleiro popular Guille Juncal.

O edil popular asegura que os clubs están realizando un gran esforzo para poder sobrevivir ante esta situación e pide ao goberno municipal que lle dea prioridade ao deporte base antes que aos grandes eventos.

Ante o anunciou de que o goberno municipal creará unha aplicación móbil para axilizar os trámites no pago das subvencións, Guille Juncal cre que hai outras necesidades máis importantes.