GALICIA> A conselleira do Medio Rural e do Mar contestou ás criticas realizadas polo deputado nacionalista, Daniel Rodas, ó plan da sardiña aprobado polo Ministerio de Agricultura, Alimentación e Medio Ambiente. Rosa Quintana aclarou que o Goberno Central aprobou o actual plan de xestión, como medida urxente, para que a Unión Europea non impoña un Total Admisible de Capturas con carácter inmediato. Así mesmo, adiantou que se continuará traballando no plan de xestión da sardiña elaborado pola administración autonómica e polo sector do cerco de Galicia, aínda que deberá ser consensuado co resto das comunidades autónomas. A titular de Medio Rural e Mar eloxiou a responsabilidade do sector á hora de elaborar un plan de explotación responsable, pero apunta que esta especie ten un ciclo estacional, é dicir, que escasee a sardiña non quere dicir que o recurso se estea esgotando.
