PORTODOSON> Cogami, a empresa que xestiona o centro de día de Porto do Son, fixo balance de cifras. Desde que estes tomaron as rendas, produciuse un notable incremento de usuarios. A día de hoxe, son 21 as persoas que asisten a diario ás distintas terapias ocupacionais e de rehabilitación. Sete máis que no pasado xaneiro. Este ascenso púidose ver provocado pola implantación de novas modalidades de asistencia como a xornada por horas que ten un custe de 2,91€. Os maiores poden gozar, durante a súa estancia, de numerosas actividades lúdicas, excursións, traballos manuais así como de obradoiros de estimulación da memoria e da psicomostrividade.
