{flowplayer img=https://www.canalriasbaixas.com/images/ano2014/08agosto/29/portos_ria_pontevedra.jpg}https://www.canalriasbaixas.com/images/ano2014/08agosto/29/portos_ria_pontevedra.mp4{/flowplayer}
PONTEVEDRA> Os peiraos autonómicos da ría de Pontevedra continúan a mellorar os datos de barcos en tránsito. Segundo Portos de Galicia, no mes de xullo recibiron máis de 420 embarcacións, un incremento que nas dársenas deportivas de Pedras Negras, Portonovo, Sanxenxo e Combarro acadou o 7% respecto do mesmo mes de 2013.
421 barcos en tránsito empregaron os peiraos autonómicos da ría de Pontevedra durante o mes de xullo. Nas dársenas deportivas, o crecemento medio foi do 7% respecto do ano anterior, aínda que o ranking encabézao a de Portonovo, que rexistrou o maior aumento da actividade, seguida de Sanxenxo e Combarro. O de Pedras Negras, en O Grove, mantívose.
A nivel galego, os peiraos autonómicos superaron en xullo de 2014 os 2000 tránsitos, un 10% máis que no ano pasado. Irlanda, Francia e Reino Unido son os países de orixe da maioría das embarcacións.
O importante esforzo de promoción que se está a facer dende o ente público e Turismo de Galicia explica en parte o éxito dos peiraos galegos. E é que sempre están presentes en eventos do sector do turismo náutico, como os Salóns Náuticos de La Rochelle e de París; estratexias que están recollidas no Plan Estratéxico da Náutica Recreativa 2012-2020
Sobre o transporte de pasaxeiros, o presidente de Portos explicou que no mes de xullo máis de 20.000 persoas empregaron este servizo dende os portos de titularidade da Xunta, tanto con destino Cíes como ata Ons.
