Noia ultima os preparativos da Festa da Empanada e o Ripote

    NOIA> Será este domingo, día 7, a partir das 11 horas.

    Un ano máis, a vila noiesa recenderá a empanadas para gusto de veciños e visitantes. O domingo ás once da mañá comezarán os actos, cunha quedada de artesáns na Alameda, e a esa mesma hora dará comezo a esperada degustación. Para saber cal é a mellor empanada de todas deberemos agardar ata o remate do concurso, entorno ás dúas do mediodía cando se entregarán os premios. Nesta interesante competición poderán participar tanto particulares como empresas, sempre e cando se inscriban antes do xoves. E como non todo vai ser comida, ó longo da mañá haberá unha exposición de labores artesanais no salón de plenos do concello e inchables para os máis pequeniños das casas na Alameda. Xa pola tarde, un gran canón de escuma disparará a grandes e pequenos con motivo desta gran festa.

    {flowplayer img=https://www.canalriasbaixas.com/images/ano2014/09setembro/02/previofestadaempanadanoia0209141.jpg}https://www.canalriasbaixas.com/images/ano2014/09setembro/02/previofestadaempanadanoia020914.mp4{/flowplayer}