O PSOE boirense pide a mellora do paseo marítimo de Escarabote

    BOIRO> O grupo municipal do Partido Socialista, a través do seu voceiro, Jorge Campaña, vén de presentar un escrito no concello solicitando a limpeza do actual paseo marítimo de Escarabote, así como o arranxo dos desperfectos existentes. Os socialistas fanse eco así das numerosas queixas dos veciños do lugar que dende hai tempo veñen demandando da necesidade dunha actuación de mellora neste espazo. A maleza invade en varias zonas o paseo e boa parte do mobiliario urbano existente ó longo do percorrido atópase tamén deteriorado.

    Comments are closed.