GALICIA> O Servizo de Gardacostas e a Policía Autonómica realizaron comisaron setenta quilos de marisco en dous operativos contra o furtivismo desenvolvidos en Ferrol e Cabo de Cruz. Na Ría de Ferrol, en concreto na zona da Malata, os axentes identificaron 31 persoas que estaban faenando de xeito ilegal e comisáronse 20 quilos de mestura de berberecho e ameixa. O operativo de Cabo de Cruz foi realizado nas praias da Redonda e Xardín e saldouse coa identificación de 23 persoas e co comiso de 50 quilos de mestura de ameixa e berberecho. A Consellería do Medio Rural e do Mar lembra á cidadanía que o consumo de marisco extraído e comercializado de xeito ilegal pode supor un risco para a saúde ao non ter pasado ningún tipo de control que o avale.
Inicio Galicia
