‘Relaxing & shopping’ in Vilagarcía

    VILAGARCIA> Zona Aberta Vilagarcía convida ó veciños do municipio a que queden esta ponte de decembro na cidade. Como incentivo: dous días de descontos de ata o cincuenta por cento na meirande parte dos comercios asociados. Un ‘Relaxing & shopping’, como eles lle chaman, contra as compras compulsivas e as aglomeracións das grandes superficies comerciais. Zona Aberta vai abrindo boca á campaña de Nadal, e mirando polo peto dos seus veciños, propón dous días relaxados, na cidade, beneficiándose de grandes descontos e o asesoramento dedicado dos comerciantes asociados. O que eles definen como un ‘Relaxing & shopping’. Desde Zona Aberta queren loitar así contra as campañas agresivas que realizan as grandes superficies como o ‘Black Friday’ da pasada fin de semana. Promocións que segundo eles só conducen ás compras compulsivas. Reclaman a intervención de consumo para mitigar estas prácticas, co que ademais de promover o comercio local, esta campaña tínguese de notas reivindicativas. Aseguran na asociación que eles poden ofrecer prezos tanto ou máis interesantes que as grandes áreas, co plus da proximidade e bos consellos que poden ofrecer os seus asociados, ademais de que as compras no pequeno comercio, din, xeran riqueza para a cidade. O ‘Relaxing & shopping’ será un previo da campaña de Nadal. Lembramos que a campaña desenvolverase entre este venres e o sábado, que malia ser festivo, os comercios participantes abrirán no horario habitual. O venres farano de xeito ininterrompido de dez da mañá a dez da noite. {flowplayer img=https://www.canalriasbaixas.com/images/ano2014/12decembro/02/relaxingshopping.jpg}https://www.canalriasbaixas.com/images/ano2014/12decembro/02/CAMPANA_ZONA_ABERTA.mp4{/flowplayer}