VILAGARCÍA > O Secretario de Estado de Defensa e o presidente da Autoridade Portuaria, asinaron o convenio de cesión da Comandancia …
{flowplayer}images/salnes/COMANDANCIA.flv{/flowplayer}
VILAGARCÍA > O Secretario de Estado de Defensa, Constantino Méndez, e o presidente da Autoridade Portuaria de Vilagarcía, Javier Gago, asinaron esta mañá o acordo de cesión da Comandancia Naval de Vilagarcía.
Tanto Méndez como Gago cualificaron este como un acto entrañable. O actual secretario de Estado lembrou a súa vinculación con Vilagarcía onde estivo primeiro como director provincial e logo como director xeral do Instituto Social da Mariña, impulsando a creación do centro de formación de Bamio. Considera agora a cesión da Comandancia como un broche final a 200 anos de historia.
As instalacións, declaradas sen interese militar o pasado ano, prestarán agora un servizo público ós cidadáns. En primeiro lugar, o Porto aproveitará para mudarse provisionalmente mentres duren as obras de remodelación na Autoridade Portuaria. A alcaldesa Dolores García, presente na firma, indicou que estudarán situar nestas instalacións un museo, o arquivo histórico da cidade e un centro de creatividade.
Redacción Salnés
