RIBEIRA> Os nadadores Manuel Davila e María Vilas foron distinguidos como mellores deportistas na Gala do Deporte de Ribeira. No evento, conducido por Quico Cadaval, recoñeceuse tamén o labor dos clubs e entidades e colaboradores nas distintas categorías deportivas ó longo de 2014. Kiko Cadaval foi o encargado de conducir a Gala do Deporte celebrada esta fin de semana en Ribeira. Con este estre de cerimonias non é de estrañar que esta décima edición se convertese nunha das máis amenas e divertidas dos últimos anos. Os nadadores María Vilas e Manuel Davila erixíronse como mellores deportistas absolutos nas categorías feminina e masculina, mentres que o Club Natural Sport Videlgi volveu alzarse como mellor entidade deportiva. Pablo Lijó converteuse no mellor deportista de equipo na especialidade de pádel mentres que Álex Vidal e Patricia Melón recolleron os galardóns de mellores deportistas discapacitados. Na categoría sub-18, os galardóns recaeron nos taekwondistas Adrián Jiménez e Laura Dosil, mentres que os recoñecementos de mellores deportistas en disciplinas non olímpicas recaeron en Ivan Parada e Miriam Santiago, do club Kempo Barbanza. Na categoría de mellor labor técnico, o galardoado foi o adestrador do Club de Alto Rendemento de Madrid Álvaro Reiriz. Pola súa banda, Vicente Sánchez foi distinguido como mellor árbitro, mentres que a velada de boxeo cidade de Ribeira alzouse co premio a mellor evento deportivo. O seu labor de promoción do deporte valeulle tamén unha distinción ó Club Atletismo Ribeira así como a Revolutrion como patrocinador deportivo. Houbo tamén espazo para as mencións especiais dirixidas ós corredores populares Juan Antonio Gude Vila, Carlistos PArdavila e Abraham Benítez así como ó Sálvora Fútbol Club polos seus recentes éxitos. A clausura da gala correu a cargo do alcalde, Manuel Ruíz, quen destacou a faceta deportiva como unha das máis importantes de Ribeira, tal e como se recolleu nun video proxectado ó inicio do evento sobre a diversificación do deporte no municipio ó longo das últimas décadas. {flowplayer img=https://www.canalriasbaixas.com/images/ano2015/02febreiro/23/galadeporteribeira2302151.jpg}https://www.canalriasbaixas.com/images/ano2015/02febreiro/23/galadeporteribeira230215.mp4{/flowplayer}
Inicio Deportes
