NOIA> A cita, que terá lugar este próximo sábado no pavillón Alonso Rodríguez, está organizada polo Club Maniotas e forma parte do programa Xogade da Secretaría Xeral para o Deporte. Uns 240 rapaces chegados dende diferentes localidades galegas tomarán parte este sábado no Campionato Galego de Taekwondo en Idade Escolar. A cita desenvolverase no pavillón polideportivo Alonso Rodríguez, a partir das nove e media da mañá. Ademais do propio campionato en si, o torneo servirá tamén para a preselección dos integrantes do combinado autonómico que participarán no Campionato de España junior. O concello noiés colabora tamén na organización desta importante cita deportiva. O edil de Deportes, Ramón Santos, destacou o papel do club Maniotas nestes últimos anos, que conseguiu levar o nome de Noia ó máis alto do panorama nacional e internacional.
Inicio Deportes
