Ramón Santos coordinará a campaña electoral do PP de Noia

    NOIA> Ramón Santos coordinará o comité da campaña electoral de Noia para as vindeiras eleccións municipais. O candidato á alcaldía, Santiago Freire, e o voceiro municipal, Julio Bustelo, serán os responsables políticos. O Partido Popular de Noia presentou ás persoas que integrarán o comité de campaña que traballará de cara ás vindeiras eleccións municipais co difícil reto de facerse coa alcaldía noiesa. O deputado e presidente provincial de Novas Xeracións, Ramón Santos, será o coordinador de campaña, mentres que o candidato á alcaldía, Santiago Freire, e Julio Bustelo, serán os responsables políticos. Yago Insua e Silvia Tomé encargaranse da comunicación. Ademais haberá un equipo de mobilización que estará integrado por Ángela Neri, Amelia Rechou, Ana Belén García, Laura Queiro, Mariola López e Martín Fernández. O Partido Popular está a traballar xa na configuración da lista electoral. Algunha das persoas que integran este comité de campaña estarán presentes nesa lista.